Puke 'e he kau Polisi 'a Solomone mo 'Aositelēliá e ki'i Vaka Uku he potu tahi 'a Solomoné, ko e ma'u 'e ha kau toutai. Fakapapau'i mei he kau ma'u mafai e Polisi 'a 'Aositelelia, ko e ngaahi vaka uku eni 'oku ngaue’aki 'e he kau tila maliuana mei 'Amelika Latina ki hono fetuku fakafufū mai e faito'o konatapu 'o fou mai he ngaahi motu Pasifikí 'o fakataumu'a ki 'Aositelēlia mo Nu'u Sila. Ko e ngaahi vaka uku foki eni ia 'oku 'ikai ha toe taha ia ke ne faka'uli, ka 'oku fakakomipiuta pē me'a hono kotoa. Ka ko eni, mahalo ne hela'ia e Komipiutá ia kae si'i iku ma'u e ki'i vaka ukú ia he kau Polisí. Tau faka'amu pē 'oku 'ikai kau 'a Tonga (Vava'u) he ki'i founga fe'ave'aki ko ení koe'uhi ko e hakotupu e fonuá.